Calendario dell’Avvento 21 dic – Cantilena de Natal

Cantilèna de Natal

Che vôs, che vèrs ‘rivaven dal cortil!:

un gran macèll che intorna ghe n’è no.

Vos de fioeu e bagiann, cent vôs sottil

che stà a scoltai vegniva ‘I maa de cô.

In mezz al grupp, a preparà ‘l Natal,

giostrava la grampanna Maddalèna:

a l’intonava ‘n coro celestial

bon de cantà ‘na vèggia cantilèna.

Dopo mezzdì e sù fin la sirètta,

girava in del paés un ritual

condii da ‘na festosa musichètta

al temp de nenia o canta pastoral:

“Piva, piva, l’oli d’oliva;

fiacca, fiacca, l’oli che tacca.

L’e ‘l Bambin che ‘l porta i belee;

l’è la mamm che la spend i danee…”.